समाज

नागढुंगा सुरुङबाट भित्रन र बाहिरिन कति लाग्छ शुल्क ?

सिधाकुरा

आइतबार, साउन १०, २०८३

नागढुंगा सुरुङबाट भित्रन र बाहिरिन कति लाग्छ शुल्क ?

काठमाडौँ । भोलि (सोमबार) देखि नागढुंगा सुरुङ मार्ग औपचारीक रूपमा खुल्दै छ । भौत्तिक पूर्वाधार विकास मन्त्री सुनील लम्सालले सोमबार नागढुंगा सुरुङ मार्गको उद्घाटन गर्दैछन् ।

सुरुङ मार्ग प्रयोग गरेवापत सवारी साधनका लागि विभिन्न शुल्क निर्धारण गरिएको छ । काठमाडौँ प्रवेश गर्दा कार, भ्यान, पिकअप, ट्रयाक्टर, माइक्रोबस र अन्य हलुका सवारीले ६५ रुपैयाँ शुल्क तिर्नुपर्नेछ भने काठमाडौंबाट बाहिरिँदा ६० रुपैयाँ मात्र शुल्क लाग्ने छ ।

Watch On

त्यस्तै मिनीबस, मिनी ट्रिपर/ट्रकले काठमाडौं प्रवेश गर्दा एक सय १५ रुपैयाँ तिर्नु पर्ने छ भने काठमाडौंबाट बाहिरिँदा ८० रुपैयाँ तिर्नुपर्ने छ ।

त्यस्तै बस, ट्रक (सिंगल रियर एक्सल)को हकमा काठमाडौं प्रवेश गर्दा दुई सय ६० रुपैयाँ शुल्क तिर्नुपर्ने छ भने काठमाडौँबाट बाहिरिँदा दुई सय रुपैयाँ दस्तुर लाग्ने छ ।

त्यस्तै मल्टी एक्सल ट्रक/सवारी साधन र भारी उपकरणलाई काठमाडौँ प्रवेश गर्दा ६ सय रुपैयाँ र बाहिरिँदा दुइ सय ५० रुपैयाँ दस्तुर निर्धारण गरिएको छ ।

तर दुई पाङ्ग्रे सवारी, इन्धन(तरल र ग्यास) का सवारी, पशुपंक्षी बोक्ने सवारी र बमवारुद ओसारपसारका सवारीलाई सुरुङ मार्ग प्रयोगमा पूर्ण रुपमा रोक लगाइएको नागढुंगा सुरुङ मार्ग संचालन तथा मर्मत एकाइकी जिज्ञाषा अधिकारीले बताइन् ।

प्रकाशित मिति: आइतबार, साउन १०, २०८३

प्रतिक्रिया दिनुहोस्