मुख्य समाचार

मधेसवादी दल तथा नेताहरूसँग प्रधानमन्त्री बालेनले थाले छलफल

सिधाकुरा

शुक्रबार, साउन १५, २०८३

मधेसवादी दल तथा नेताहरूसँग प्रधानमन्त्री बालेनले थाले छलफल

काठमाडौं । प्रधानमन्त्री बालेन्द्र शाहको उपस्थितिमा देशमा विकसित पछिल्लो राजनीतिक घटनाक्रम र समसामयिक विषयमा छलफल गर्न मधेसवादी दल र मधेसबाट प्रतिनिधित्व गर्ने नेताहरूसँग छलफल सुरु भएको छ।

सिंहदरबारस्थित प्रधानमन्त्री तथा मन्त्रिपरिषद्को कार्यालयमा जारी बैठकमा मधेस केन्द्रित दलका शीर्ष नेतासहित विभिन्न राजनीतिक दलका मधेसी नेताहरू सहभागी छन्।

Watch On

बैठकमा जनमत पार्टीका अध्यक्ष सीके राउत, जनता समाजवादी पार्टीका संरक्षक महन्थ ठाकुर, राष्ट्रिय मुक्ति पार्टी नेपालका अध्यक्ष राजेन्द्र महतो, आम जनता पार्टीका अध्यक्ष प्रभु शाह, एमाले नेता लालबाबु राउत, रामकुमार शर्मा, समिम मियाँ अन्सारी, राष्ट्रिय स्वतन्त्र पार्टीका सांसद अमरेशकुमार सिंह, जनता समाजवादी पार्टीका नेता शरतसिंह भण्डारी तथा जयकान्त राउतलगायतको सहभागिता रहेको छ।

प्रधानमन्त्रीको पहलमा आयोजित उक्त बैठकमा पछिल्लो राजनीतिक घटनाक्रम, मधेससँग सम्बन्धित समसामयिक विषय तथा समसामयिक राष्ट्रिय मुद्दामा छलफल भइरहेको प्रधानमन्त्रीको सचिवालयले जनाएको छ। बैठकपछि थप निर्णय तथा निष्कर्ष सार्वजनिक गरिने अपेक्षा गरिएको छ।

प्रकाशित मिति: शुक्रबार, साउन १५, २०८३

प्रतिक्रिया दिनुहोस्