समाज

एनपीएलमा आज लुम्बिनी र काठमाडौँ भिड्दै

सिधाकुरा

शनिबार, कात्तिक २१, २०८३

काठमाडौँ । सिद्धार्थ बैङ्क नेपाल प्रिमियर लिग (एनपीएल) अन्तर्गत शनिबार एउटा मात्रै खेल हुँदैछ । कीर्तिपुरस्थित त्रिवि अन्तरराष्ट्रिय क्रिकेट मैदानमा लुम्बिनी लायन्स र काठमाडौँ गोर्खाजबीच प्रतिस्पर्धा हुन लागेको हो ।

Watch On

लिगको १८औँ खेल अपराह्न ५ बजे सुरु हुनेछ ।

लुम्बिनी लायन्स जारी प्रतियोगितामा अपराजित छ । चार खेल खेलेको उसले तीनमा जित र एक खेल वर्षाका कारण नतिजाविहीन हुँदा सात अङ्क जोडेको छ । लुम्बिनी अङ्कतालिकाको शीर्ष स्थानमा छ ।

लुम्बिनीले यसअघि पोखरा एभेन्जर्सलाई आठ विकेट र जनकपुर बोल्ट्सलाई १६ रनले पराजित गरेको थियो । यसअघि सुदूरपश्चिम रोयल्सविरुद्धको खेल वर्षाका कारण प्रभावित भएको थियो ।

यता, पहिलो खेलमा जनकपुर बोल्ट्ससँग पराजित भएको काठमाडौँ गोर्खाजले त्यसपछि लगातार दुई खेल जितेको छ । काठमाडौँले कर्णाली याक्सलाई चार विकेट र विराटनगर किङ्सलाई नौ विकेटले हराएको थियो ।

तीन खेल खेलेको काठमाडौँ चार अङ्कसहित अङ्कतालिकाको चौथो स्थानमा छ ।

अङ्कतालिकाको शीर्ष स्थानमा रहेको लुम्बिनी आफ्नो अपराजित यात्रा कायम राख्ने लक्ष्यमा हुनेछ भने काठमाडौँ लगातार तेस्रो जित निकाल्दै शीर्ष टोलीसँगको दूरी घटाउन चाहन्छ । त्यसैले दुवै टोलीका लागि आजको खेल महत्त्वपूर्ण हुनेछ ।

प्रकाशित मिति: शनिबार, कात्तिक २१, २०८३

प्रतिक्रिया दिनुहोस्