सबै कुरा

वीर अस्पतालको फार्मेसीमा भएको औषधी पनि बाहिर किन्न पठाउने गरेको फेला

सिधाकुरा

बिहीबार, फागुन ३, २०८०

वीर अस्पतालको फार्मेसीमा भएको औषधी पनि बाहिर किन्न पठाउने गरेको फेला

काठमाडाैँ । वीर अस्पतालको औषधी पसलले अधिकांश औषधी किन्न बाहिर पठाउने गरेको खुलेको छ ।

Watch On

बिहीबार स्वास्थ्य मन्त्रीसहितको मन्त्रालयको टोलीले गरेको अनुगमनका क्रममा वीर अस्पतालको औषधी पसलमा रहेका औषधीहरु पनि कर्मचारीले बाहिरको फार्मेसीमा किन्न पठाउने गरेको खुलेको हो । अस्पतालभित्र रहेका दुईवटा औषधी पसलले अधिकांश औषधी नभएको भन्दै बाहिर किन्न पठाउने गरेको पाइएको स्वास्थ्य मन्त्री मोहन बहादुर बस्नेतले जानकारी दिए ।

अनुगमनका क्रममा वीरका फार्मेसीमा नभएको भनिएको औषधी स्टोरमा रहेको पाइएको थियो । स्वास्थ्यमन्त्री बस्नेतले १५ दिनभित्र वीर अस्पताल भित्रको फार्मेसी विस्तार गरि सबै प्रकारका औषधी राख्न निर्देशन दिएका छन् । त्यस्तै अनुगमन टोलीले अस्पतालबाहिरको दुईवटा औषधी पसलको अनुगमन गर्दा मापदण्ड विपरित पाइएपछि सिल गर्न निर्देशन दिएको छ ।

अस्पतालबाहिरको उपकार सेवा फामेर्सी र सत्यम फार्मेसीमा म्याद सकिएका औषधि राखेको, महङ्गोमा औषधी बिक्रिबितरण गरेको, स्टोरको व्यवस्था राम्रो नभएको पाइएपछि सिल गर्न निर्देशन दिएको स्वास्थ्यमन्त्री बस्नेतले जानकारी दिए ।

प्रकाशित मिति: बिहीबार, फागुन ३, २०८०

प्रतिक्रिया दिनुहोस्