नवनियुक्त ३ उपप्रधानसहित १६ मन्त्रीले लिए पद तथा गोपनियताको सपथ

काठमाडौँ । नयाँ गठबन्धनका तीन उपप्रधान सहित १६ मन्त्रीहरुले आज पद तथा गोनियताको सपथ ग्रहण गरेका छन् । शितल निवासमा आयोजित समारोहमा राष्ट्रपति रामचन्द्र पौडेलले नयाँ मन्त्रीहरुलाई सफल ग्रहण गराएका हुन् । नयाँ गठबन्धनले एमालेले ८, माओवादीले ५, राष्ट्रिय स्वतन्त्र पार्टीले ४ र नेकपा एकिकृत समाजवादी २ मन्त्रालय पाउने गरी भागबण्डा गरेका थिए । 

Watch On

जसमध्ये आज एमालको ७ जना, माओवादी केन्द्रका ४ जना र राष्ट्रिय स्वतन्त्र पार्टीका ३ र नेकपा एकिकृत समाजवादीका २ मन्त्री सपथ ग्रहण गरेका हुन् । एमाले, माओवादी र रास्वपाका एक÷एक जना मन्त्रीले सोमबार नै सपथ ग्रहण गरेका थिए । 

एमालेबाट रघुवीर महासेठ उपप्रधानमन्त्री तथा भौतिक पूर्वाधार मन्त्री बनेका छन् । भने पदम गिरी कानुन, न्याय तथा संसदीय मामिला, हरि उप्रेती रक्षा, भगवती चौधरी महिला, बालबालिका तथा ज्येष्ठ नागरिक मन्त्रालय र राजेन्द्र राई खानेपानी, दामोदर भण्डारी उद्योग, वाणिज्य तथा आपूर्ति, ज्वालाकुमारी साह कृषि तथा पशुपक्षी र बलराम अधिकारी भूमि व्यवस्था, सहकारी तथा गरिबी निवारण मन्त्री बनेका छन् । 

त्यस्तै नेकपा माओवादी केन्द्रबाट नारायणकाजी श्रेष्ठ उपप्रधानमन्त्री तथा परराष्ट्रमन्त्री बनेका छन् भने वर्षमान पुन अर्थमन्त्री, शक्तिबहादुर बस्नेत ऊर्जा, जलस्रोत तथा सिँचाइ, रेखा शर्मा सञ्चार तथा सूचना प्रविधि र हितबहादुर तामाङ संस्कृति, पर्यटन तथा नागरिक उड्डयनमन्त्री बनेका छन् । 

यता राष्ट्रिय स्वतन्त्र पार्टीबाट सभापति रवि लामिछाने उपप्रधानमन्त्री तथा गृहमन्त्री बनेका छन् भने डीपी अर्याल श्रम, रोजगार तथा सामाजिक सुरक्षा मन्त्री, विराजभक्त श्रेष्ठ युवा तथा खेलकुद र सुमना श्रेष्ठ शिक्षा, विज्ञान तथा प्रविधि मन्त्री बनेका छन् । 

त्यस्तै नेकपा एकिकृत समाजवादीको तर्फबाट भानुभक्त जोशी संघीय मामला तथा सामान्य प्रशासन मन्त्री भएका छन् भने धनबहादुर बुढा  शहरी विकास मन्त्री भएका छन् ।