प्रधानमन्त्री हुन्छु भनेको २९ औँ दिनमा मन्त्री बनेका बिराज
काठमाडौंँ । माघ २४ गते संसदमा सम्पत्ति शुद्धिकरण विधेयकमाथिको छलफल थियो । छलफलमा आफ्नो धारणा राख्न पोडियममा उभिएका राष्ट्रिय स्वतन्त्र पार्टीका सांसद बिराज भक्त श्रेष्ठको बोल्ने अवधि सकियो । सभामुखले समय सकिएको जनाउ दिए । ‘सभामुख महोदय भुतपूर्व प्रधानमन्त्री र वर्तमान प्रधानमन्त्री मात्र होईन अब भविष्यमा हुनसक्ने प्रधानमन्त्रीलाई पनि थप समय मिलाउनु प¥यो’ आफूलाई समय कम भएको भन्दै श्रेष्ठले यत्ति बोलेपछि सिंङ्गो संसदमा हाँसो फैलियो ।
Watch On
सम्भवतः संसदीय इतिहासमै पहिलो पटक संसदको पोडियमम उभिएर भावी प्रधानमन्त्री हुँ भन्ने दाबी गर्ने सांसद उनै श्रेष्ठ पहिलो हुन् । संसदमा प्रधानमन्त्री हुन्छु भनेर बोलेको २९ औँ दिनको दिन उनै श्रेष्ठ सरकारको युवा तथा खेलकुदमन्त्री भएका छन् । राष्ट्रिय स्वतन्त्र पार्टीको तर्फबाट उनले राष्ट्रपति रामचन्द्र पौडलसँग पद तथा गोपनियताको शपथ लिएका छन् ।
विवेकशिल साझा पार्टीबाट ७ वर्षअघि मात्रै राजनीतिक यात्रा सुरु गरेका श्रेष्ठ काठमाडौँको इन्द्रचोकका रैथाने नेवार परिवारका हुन् । विवेकशिल साझा हुँदै बागमति प्रदेशसभा सदस्य बनेका उनी २०७९ को संसदीय निर्वाचनमा भने राष्ट्रिय स्वतन्त्र पार्टीको तर्फबाट काठमाडौँ क्षेत्र नम्बर ८ को प्रत्यासी भए ।
संसदीय निर्वाचनमा पहिलो पटक सहभागी भएका श्रेष्ठ बहालवाला मन्त्री जीवनराम श्रेष्ठलाई हराएर सानदार मतसहित प्रतिनिधि सभा सदस्यमा निर्वाचित भए । १० हजार १ सय ५ मतसहित निर्वाचित भएका श्रेष्ठ आफू मात्रैले चुनाव जितेनन् । राष्ट्रिय स्वतन्त्र पार्टीको पहिलो निर्वाचित सांसदको रुपमा प्रतिनिधि सभामा खाता समेत खोले ।
२०३८ वैशाख २६ गते काठमाडौँको इन्द्रचोकमा जन्मिएका बिराज राजनीतिमा रास्वपाभित्र पाको र भरपर्दो सांसदको रुपमा चिनिन्छन् । संसदीय खेललाई प्रदेशदेखि नै बुझेका श्रेष्ठ सुशासन र जनताको हितका लागि खरो रुपमा संसदमा प्रस्तुत हुने निकै कम सांसद मध्येका एक हुन् ।
जनताको दुःखलाई सरकारले चिर्नुपर्छ होइन भने सरकार र सत्ता छोड्नु पर्छ भन्ने मान्यताको वकालत गर्ने श्रेष्ठ ४२ वर्षको युवा उमेरमै सरकारको युवा तथा खेलकुद मन्त्री बनेका छन् ।
युवाहरु माझ निकै लोकप्रिय बनेका श्रेष्ठ सरकारको सबै भन्दा कम बजेट र न्यून स्रोत रहेको मन्त्रालयको बागडोर सम्हाल्दै छन् । तथापी बजेट बनाउने मुखैमा उनले पाएको यो जिम्मेवारीले उनको परिक्षा भने लिनेछ ।
-1774162118.jpg)
ज्युँदो मनिसको मृत्युदर्ता प्रमाणपत्र बनाएको आरोपमा वडा अध्यक्ष सहित ४ जना पक्राऊ
जिल्ला प्रहरी कार्यालय नवलपरासीका सुचना अधिकारी विरदत्त पन्तका अनुसार निजहरुले झुटो विवरण पेश गरि जिँऊदो मानिसको मृत्युदर्ता बनाएको आरोपमा पक्राऊ गरिएको हो । मंगलबार, वैशाख १५, २०८३
वडा कार्यालमा देखिएको फरक दृश्यः वडा सदस्यले लेखिदिन्छन् निवेदन, गरिदिन्छन् प्रक्रियामा सहजीकरण
वडाले वडापरिसरमा बस्ने लेखन्दासहरुलाई हटाएको छ । वडाले अहिले वडा सदस्य प्रयोग गरेर चार जना वडा सदस्यलाई हरेक हप्ता १ जनाले अनिवार्य जनतालाई सहजीकरण गर्ने निर्णय गरि कार्यान्वयन... सोमबार, वैशाख १४, २०८३
काठमाडौँ महानगरले असनको मौलिकता जीवन्त राख्न हरेक शनिबार विशेष कार्यक्रम आयोजना गर्ने
काठमाडौँको सांस्कृतिक पहिचान, सहरभित्रका परम्परागत जीवनशैली, जात्रा पर्व, संस्कार, संस्कृतिको पुरस्तान्तरण र पूर्खाको ज्ञान र सिपलाई निरन्तरता दिने उदेश्यले प्रवर्धन कार्यक्रम आयोजना गर्न लागिएको काठमाडौँ महानगरका प्रवक्ता नविन... शुक्रबार, वैशाख ४, २०८३
विषय विज्ञ सांसदलाई समितिका सभापति बनाउने रास्वपाकाे तयारी
सम्बन्धित समितिका कुनै सदस्यलाई सभापतिमा निर्वाचित गरियोस् भनी सोही समितिका एक जना सदस्य प्रस्तावक रही सोही समितिका कुनै अर्को एक जना सदस्यको समर्थनसहित सभापतिमा दाबी प्रस्तुत गर्न सक्दछन्... बिहीबार, वैशाख ३, २०८३भर्खरै
- लालीबजारको प्रदर्शन रोकियो, दुबै पक्षसँग छलफल गर्न २२ गते पेशी
- ज्युँदो मनिसको मृत्युदर्ता प्रमाणपत्र बनाएको आरोपमा वडा अध्यक्ष सहित ४ जना पक्राऊ
- यी ठाउँमा हुन सक्छ चट्याङसहित वर्षा
- बागलुङ नगर अस्पताल भवन निर्माण स् दुई वर्षमा सकिनु पर्ने काम तीन वर्षमा ४५ प्रतिशत
- शेखर गोल्छालाई २४ घण्टाभित्र उपस्थित गराउन सर्वोच्चको आदेश
- नेकपाको महाधिवेशन मंसिर ११ देखि १५ गतेसम्म
- होटल स्मार्टमा कांग्रेस संस्थापनइतर समूहको बैठक सुरु
- मन्त्री हुँदा म यी १० काम गर्दिनँ: मन्त्री सीता वादी
-1777084533.jpeg)
