सुदूरपश्चिम रोयल्सले काठमाडौँ गोर्खाजलाई दियाे १६८ रनकाे लक्ष्य

सिधाकुरा

बिहीबार, मंसिर २०, २०८१

सुदूरपश्चिम रोयल्सले काठमाडौँ गोर्खाजलाई दियाे १६८ रनकाे लक्ष्य

काठमाडौँ । नेपाल प्रिमियर लिग (एनपिएल)को आजको दोस्रो खेलमा सुदूरपश्चिम रोयल्सले काठमाडौँ गोर्खाजलाई १६८ रनको लक्ष्य दिएको छ । कीर्तिपुरस्थित त्रिभुवन विश्वविद्यालय क्रिकेट मैदानमा टस जितेर काठमाडौँले सुदूरपश्चिम रोयल्सविरुद्ध पहिले बलिङ गर्ने निर्णय लिएको थियो । ब्याटिङकाे निम्तो पाएको सुदुरपश्चिमले निर्धारित २० ओभरमा ६ विकेटमा क्षतिमा सो लक्ष्य दिएको हो ।

Watch On

सुदुरपश्चिमका लागि ब्रान्डन मक्मलेनले सर्वाधिक ५३ रन बनाए भने दिपेन्द्र सिंह ऐरीले ४३ रन, बिनोद भण्डारीले ३५ रन बनाए । त्यस्तै सैफ जैबले ११ रन, रोहन मुस्ताफाले ३ रन, आरिफ सेखले ३ रन बनाए ।

जारी प्रतियोगितामा काठमाडौँ गुर्खाजको यो तेस्रो खेल हो । यसअघिका दुई खेलमध्ये काठमाडौँले एक खेलमा विजयी भएको छ भने एक खेलमा पराजय भोगेको छ । काठमाडौँ गुर्खाज पहिलो खेलमा चितवन राइनोजसँग पाँच विकेटले पराजित भएको थियो । यस्तै, दोस्रो खेलमा भने काठमाडौँले कर्णालीलाई तीन विकेटले हराएको थियो ।

त्यस्तै, जारी एनपिएलमा सुदूरपश्चिम रोयल्सको यो दोस्रो खेल हो । पहिलो खेलमै सुदूरपश्चिम रोयल्सले विराटनगर किङ्ग्सलाई ९० रनले पराजित गर्दै प्रतियोगितामा सुखद् सुरूआत गरेको थियो ।

प्रकाशित मिति: बिहीबार, मंसिर २०, २०८१

प्रतिक्रिया दिनुहोस्