सबै कुरा

प्रधानमन्त्री कप क्रिकेटः कर्णाली प्रदेशद्वारा कोशी प्रदेश ६ विकेटले पराजित

सिधाकुरा

मंगलबार, माघ ९, २०८०

प्रधानमन्त्री कप क्रिकेटः कर्णाली प्रदेशद्वारा कोशी प्रदेश ६ विकेटले पराजित

काठमाडौँ । राजधानीमा जारी प्रधानमन्त्री कप एकदिवसीय पुरुष क्रिकेट प्रतियोगितामा कर्णाली प्रदेशले कोशी प्रदेशलाई हराएको छ । मूलपानीस्थित माथिल्लो क्रिकेट मैदानमा आज भएको खेलमा कर्णालीले कोशी प्रदेशलाई ६ विकेटले पराजित गर्‍यो ।

Watch On

यससँगै तेस्रो जित हासिल गरेको कर्णालीले ६ खेलपछि ६ अङ्क जोडेको छ । ७ खेल खेलेको कोशी प्रदेश अङ्कविहीन छ । कोशीले प्रस्तुत गरेको १ सय ५२ रनको लक्ष्य कर्णालीले २८.३ ओभरमा ४ विकेट गुमाउँदै पूरा गर्‍यो ।

कर्णालीका लागि अर्जुन घर्तीले ४८ बलमा ६ चौका र २ छक्काको मद्दतमा अविजित ५० रन बनाए । यसैगरी विपीन शाहीले २८, हिमाङ्शु शाहीले अविजित २४, निश्चल रावलले २१ तथा कप्तान रवीन्द्र शाहीले १२ रन बनाए ।

कोशीका लागि हेमन्त राईले तीन विकेट लिए भने कमल खत्रीले एक विकेट झारे । टस हारेर पहिले ब्याटिङको निम्तो पाएको कोशीले ३४.३ ओभरमा सबै विकेट गुमाउँदै १ सय ५१ रन बनाएको थियो । उसका लागि सुजन थपलियाले ७३ बलमा ८ चौका र ४ छक्काको मद्दतले ७३ रन बनाए । सौजन घिमिरेले १२ तथा आइश भट्टराईले ११ रन बनाए ।

कर्णालीका लागि दिनेश अधिकारीले ४ विकेट लिए भने प्रकाश जैसीले ३तथा दिवान पुनले २ विकेट लिए ।

प्रकाशित मिति: मंगलबार, माघ ९, २०८०

प्रतिक्रिया दिनुहोस्