क्रिकेट विश्वकप लिग–२ शृङ्खलाअन्तर्गत नेपालद्वारा स्कटल्याण्ड पाँच विकेटले पराजित
काठमाडौँ । नेपालले आइसिसी पुरुष क्रिकेट विश्वकप लिग–२ शृङ्खलाअन्तर्गत आज सम्पन्न एकदिवसीय खेलमा स्कटल्याण्डलाई पाँच विकेटले पराजित गरेको छ ।
अमेरिकाको डालसस्थित ग्रान्ड प्रेरि स्टेडियममा टस हारेर पहिलो ब्याटिङ गरेको स्कटल्याण्ड ४१ दशमलव चार ओभरमा सबै विकेट गुमाउँदै १५४ रनमा समेटियो ।
स्कटल्याण्डलाई सस्तैमा समेट्ने क्रममा सन्दीप लामिछानेले तीन विकेट लिए । साथै करन केसी, सोमपाल कामी, गुल्सन झाले २र२ विकेट तथा आरिफ शेखले एक विकेट लिए । स्कटल्याण्डका लगि मार्क वाटले ३४ रन बनाए भने अन्य ब्याटरले उल्लेखनीय रन बनाउन सकेनन् ।
स्कटल्याण्डले प्रस्तुत गरेको उक्त लक्ष्य नेपालले २९ दशमलव पाँच ओभरमा पूरा गर्यो । नेपालको जितमा आरिफ शेखले ५१ रनको योगदान दिए । साथै कुशल भुर्तेल र गुल्शन झाले २५र२५ रन बनाए भने आसिफ शेखले २१ रन बनाए ।
स्कटल्याण्डका लागि ब्राण्डम म्याकुलमले २ विकेट लिए । साथै ब्राड कुरी, मार्क वाट र ज्याक जार्विसले समान १र१ विकेट लिए ।
लिग–२ अन्तर्गत त्रिकोणात्मक शृङ्खलाको पहिलो खेलमा नेपाल अमेरिकासँग तीन विकेटले पराजित भएको थियो । त्यस्तै स्कटल्याण्डले आफ्नो पहिलो खेलमै अमेरिकालाई १० विकेटले पराजित गरेको थियो ।
-1744907059.jpg)
सिद्धान्त लोहनीलाई ५ लाख सहयोग गर्ने क्यानको निर्णय
नेपाल क्रिकेट संघले खेलका क्रममा घाइते भएका क्रिकेट खेलाडी सिद्धान्त लोहनीलाई ५ लाख रुपैयाँ आर्थिक सहयोग गर्ने भएको छ । क्यानका प्रवक्ता छुम्बी लामाले विज्ञप्ति जारी गर्दै लोहनीलाई... बिहीबार, वैशाख ११, २०८२
आईसीसी यू–१९ विश्वकप खेल्ने नेपालको सपनामा वर्षा बाधक
समूह चरणको खेलमा दुबै टोलीले ३/३ खेल जितेका थिए । उनीहरुसँग समान ७/७ अंक थियो । खेल रद्द भएपछि दुबै टोलीलाई समान अंक बाँडियो । तर रनरेटमा अगाडि... शनिबार, वैशाख ६, २०८२
वर्षाका कारण नेपाल र अफगानिस्तानबीचको निर्णायक खेल प्रभावित
वर्षाका कारण खेल निर्धारित समयमा सुरु हुन सकेन । खेल विहान साढे ९ बजेदेखि हुने तय भएको थियो । शनिबार, वैशाख ६, २०८२
चारदेशीय टी–२० आई शृङ्खलाको उपाधि कुवेतलाई
कुवेतले दिएको १७५ रनको लक्ष्य पछ्याएको नेपाल १९ दशमलव तीन ओभरमा सबै विकेट गुमाउँदै १७१ रनमा सीमित बन्यो । नेपालका लागि बसिर अहमदले ४३ बलमा आठ चौका र... आइतबार, चैत ३१, २०८१- आन्दोलनको २७ औँ दिनमा माइतिघरको सडकमा आवासीय चिकित्सक (तस्बिरहरु)
- आन्दोलनको २८ औँ दिनमा बानेश्वरको सडकमा शिक्षकहरू (तस्बिर)
- राजनीतिमा आउने सोच छैन, युवालाई छाड्ने होः हरिवंश आचार्य
- रविमाथिकाे राजनीति प्रतिशोध प्रधानमन्त्रीले नै स्वीकार गरे, महामन्त्री विवाद गर्न नआउनुः मनिष झा
- शिक्षक आन्दोलनलाई सत्ता ढाल्ने अस्त्र बनाउने प्रयास भयोः एमाले सांसद गैरे
- शिक्षा ऐन ल्याउन नसक्ने सरकारले देश बनाउँछ भन्नु दिवा सपना हो: ज्ञानेन्द्र शाही
- रविन्द्र मिश्रमाथि राज्यले गरेको व्यवहार आपत्तिजनक छ, सच्याइयोसः मनिष झा
- निषेधित क्षेत्र तोडेर सामूहिक गिरफ्तारी दिने शिक्षकहरूको तयारी
