सबै कुरा

यू–१९ महिला विश्वकप २०२५ मा छनोट भएको नेपाली टाेलीलाई प्रतिव्यक्ति २ लाख ५० हजार पुरस्कार दिने क्यानकाे घाेषणा

सिधाकुरा

बिहीबार, कात्तिक २९, २०८१

यू–१९ महिला विश्वकप २०२५ मा छनोट भएको नेपाली टाेलीलाई प्रतिव्यक्ति २ लाख ५० हजार पुरस्कार दिने क्यानकाे घाेषणा

काठमाडाैँ । आइसिसी महिला यू–१९ विश्वकप २०२५ मा छनोट भएको नेपाली खेलाडीलाई जनही २ लाख ५० हजार पुरस्कार दिइने भएको छ। नेपाल क्रिकेट संघ (क्यान) ले बिहिबार नेपाली टोलीलाई बधाइ दिँदै सो पुरस्कार दिने घोषणा गरेको हो।

Watch On

त्यस्तै क्यानले टिमका टिम अफिसियलहरूलाई पनि जनही एक लाख रुपैयाँ पुरस्कार दिने घोषणा गरेको छ ।

युनाइटेड अरब इमिरेट्स (युएई) मा भएको आइसीसी यु–१९ महिला टि–२० विश्वकपको एसिया छनोटको अन्तिम खेलमा युएईलाई आठ विकेटले हराउँदै नेपाल विश्वकपमा छनोट भएको हो ।

एसिया छनोटका छ खेलमध्ये नेपालले पाँच खेलमा जित हासिल गरेको थियो भने एक खेलमा नेपाल पराजित भएको थियो । त्यस्तै यू–१९ महिला क्रिकेट टोलीले आगामी मंसिर ३० गतेदेखि मलेसियामा हुने एसीसी यू–१९ महिला एसिया कपमा सहभागी जनाउनेछ ।

एसिया कपमा नेपालसहित छ टोलीको सहभागिता रहने छ । एसियाली क्रिकेट परिषद् (एसीसी) अनुसार समूह ‘ए’ मा नेपालसहित भारत र पाकिस्तान छन् भने समूह ‘बी’ मा बङ्गलादेश, श्रीलङ्का र मलेसिया छन् । नेपालले आगामी पुस १ गते पाकिस्तानसँग र पुस २ गते भारतसँग प्रतिष्पर्धा गर्नेछ ।

प्रकाशित मिति: बिहीबार, कात्तिक २९, २०८१

प्रतिक्रिया दिनुहोस्