सबै कुरा

उदयपुर सिमेन्टमा भ्रष्टाचारः तत्कालीन महाप्रबन्धकसहित ८ जना बिरुद्ध मुद्धा दायर

सिधाकुरा

बुधबार, माघ १०, २०८०

उदयपुर सिमेन्टमा भ्रष्टाचारः तत्कालीन महाप्रबन्धकसहित ८ जना बिरुद्ध मुद्धा दायर

काठमाडौं । अख्तियार दुरुपयोग अनुसन्धान आयोगले उदयपुर सिमेन्टमा भ्रष्टाचार गरेको भन्दै तत्कालिन महाप्रबन्धक सुरेन्द्र कुमार पौडेलसहित ८ जना बिरुद्ध मुद्धा दायर गरेको छ । बुधबार विशेष अदालतमा उनीहरु बिरुद्ध मुद्धा दायर गरिएको अख्तियारले जनाएको छ ।

Watch On

आयोगकाअनुसार उद्योगका तत्कालीन महाप्रबन्धक पौडेल, तत्कालीन नायब महाप्रबन्धक नवल किशोर साहा, तत्कालीन का.मु. उपनिर्देशक पवन कुमार लाल कर्ण, तत्कालीन प्रबन्धक भरत प्रसाद नेपाल, अधिकृत नवौं डेमलाल खनाल, तत्कालीन प्रबन्धक कमलराज पौडेल, तत्कालीन निर्देशकद्वय प्राविधिकतर्फका ध्रुब बहादुर देवकोटा र महेश प्रसाद काफ्लेविरुद्ध विशेष अदालतमा मुद्दा दायर गरिएको हो ।

उनीहरु बिरुद्ध उद्योगमा भेरियबल फ्रिक्वेन्सी ड्राइभ (भीएफडी) खरिद गर्दा अनियमितता गरेको आरोप लगाइएको छ । अध्ययन र आवश्यकताको पहिचान र औचित्यसमेत एकिन नगरी लागत अनुमानसमेत नबनाई उपयोग नहुने सामग्री खरिद गरेको अख्तियारको आरोप छ । आरोपितहरुको कार्यबाट २२ लाख ७८ हजार ३०५ रुपैयाँ ६० पैसा बराबरको रकम भुक्तानी गरी उद्योगलाई हानि पु¥याइएको अख्तियारको दाबी छ ।

प्रकाशित मिति: बुधबार, माघ १०, २०८०

प्रतिक्रिया दिनुहोस्