छात्राहरुलाई वितरण गरिने निःशुल्क प्याडमा भ्रष्टाचार गरेको आरोपमा ५ जनाविरुद्ध मुद्दा दायर

काठमाडौँ । विद्यालयका छात्राहरुलाई निःशुल्क प्याड वितरण कार्यक्रममा भ्रष्टाचार गरेको आरोपमा अख्तियार दुरुपयोग अनुसन्धान आयोगले ५ जनाविरुद्ध मुद्दा दायर गरेको छ । निशुल्क सेनिटरी प्याड वितरणको बजेटमा अनियमितताको आरोपमा सप्तरीको रुपनी गाउँपालिकाका तत्कालीन प्रशासकीय अधिकृतसहित ५ जनाविरुद्ध मुद्दा दायर गरेको हो । 

Watch On

अख्तियारले रुपनी गाउँपालिकाका तत्कालीन प्रमुख प्रशासकीय अधिकृत अरविन्द कुमार चौधरी, लेखा अधिकृत श्याम सुन्दर यादव, शिक्षक श्यामप्रसाद यादव, नायब सुब्बा सुजन दाहाल र श्री लक्ष्मी ट्रेडर्स एण्ड सप्लायर्स राजविराजका प्रोप्राइटर ललिता कुमारी साहविरुद्ध विशेष अदालतमा मुद्दा दायर गरेको हो । 

आयाेगमा गाउँ कार्यपालिकाको मिलेमतोमा सिलबन्दी दरभाउ पत्रको माध्यमबाट खुद्रा मूल्यभन्दा दुई गुणा बढी रकममा स्यानिटरी प्याड खरिद गरेको भन्ने उजुरी परेको थियो । सो उजुरी उपर अनुसन्धान हुँदा आ.व. २०७७र०७८ मा निःशुल्क प्याड वितरणका लागि बजेट विनियोजन भएकोमा गाउँपालिकाले लागत अनुमान नै नगरी ९ लाख ११ हजार ९ सय २५ रुपैयाँ पर्ने प्याडलाई १७ लाख ८५ हजार ९ सय २८ रुपैयाँमा खरिद गरी ८ लाख ७४ हजार रुपैयाँ बराबरको भ्रस्ट्राचार गरेको आरोपमा उनीहरुविरुद्ध मुद्दा दायर गरिएको आयोगले जनाएको छ । 

आयोगले तत्कालीन प्रमुख प्रशासकीय अधिकृत चौधरीसहित चार कर्मचारीलाई भ्रष्टाचार निवारण ऐन, २०५९ को दफा ८ को उपदफा (१) बमोजिम कैद र ८ लाख ७४ हजार ३ रुपैयाँ बिगो बमोजिम जरिवाना माग गरेको छ । त्यस्तै लक्ष्मी ट्रेडर्सकी ललिताकुमारीलाई पनि मुख्य कसुरदारहरुलाई सरह सजाय गरी बिगोसमेत असुल उपर गर्न माग गरिएको आयोगले जनाएको छ ।